გადახდის ყველა შესაძლო ფორმა
ექსპრეს მიწოდება იმავე დღეს
მიწოდება მთელ საქართველოში
  breadcrumb    breadcrumb უსაფრთხოება - covid-19

უსაფრთხოება - covid-19

შექმნილ ვითარებასთან დაკავშირებით გვსურს გაგაცნოთ რამდენიმე სიახლე, რომელიც შპს “ოფისელმა” განახორციელა ვირუსის გავრცელების საფრთხის თავიდან აცილების მიზნით და ასევე, თქვენთვის საჭირო პროდუქციის შეუფერხებელი მოწოდებისთვის:

1.     ჩვენს ონლაინ მაღაზიას დაემატა კატეგორია უსაფრთხო ოფისი, სადაც თავი მოვუყარეთ იმ პირადი ჰიგიენის, ანტიბაქტერიულ და სადიზენფექციო საშუალებებს, რომელიც ახლა ყველა ორგანიზაციას სჭირდება. ეს კატეგორია დაგეხმარებათ იოლად მოიძიოთ თქვენთვის საჭირო პროდუქცია. მსგავს პროდუქტებზე მოთხოვნა მაღალია, ამიტომ ხშირად ხდება ხელმიუწვდომელი არა მხოლოდ ჩვენ მაღაზიაში, არამედ დისტრიბუტორი კომპანიების მხარესაც. ჩვენი გუნდი ყველაფერს აკეთებს იმისთვის, რომ მაქსიმალურად სწრაფად შევავსოთ მსგავსი პროდუქციის მარაგები. ასევე, ურთიერთობას ვამყარებთ ახალ მომწოდებლებთან, ამიტომ ამ კატეგორიაში პროდუქცია მუდმივად დაემატება.

2.     ჩვენ ძალიან დიდი პასუხისმგებლობით ვეკიდებით უსაფრთხო მიწოდების საკითხს. ვითვალისწინებთ საქართველოს ჯანდაცვის სამინისტროს და დაავადებათა კონტროლის ცენტრის ყველა რეკომენდაციას თანამშრომელთა უსაფრთხოებასთან დაკავშირებით. ჩვენი თანამშრომლების ნაწილი გადავიდა დისტანციურ მუშაობაზე. ჩვენ ასევე უზრუნველყობთ თანამშრომელთა ტრანსპორტირებას, რათა მათ არ იმგზავრონ საზოგადოებრივი ტრანსპორტით.

3.     ჩვენი კურიერები და საწყობში მომუშავე პერსონალი მკაცრად იცავენ ჰიგიენის წესებს. ხდება მათი ჯანმრთელობის მდგომარეობის ყოველდღიური შემოწმება. მუშაობენ ერთჯერადი ხელთათმანების გამოყენებით. ასევე თქვენთან კონტაქტისას იცავენ მინიმუმ ერთ მეტრიან დისტანციას. გთხოვთ, თუ დააფიქსირეთ დისტანციის დაცვის დარღვევის ფაქტი ჩვენი კურიერის მხრიდან, დაგვიკავშირდით და გვაცნობეთ ამის შესახებ ცხელი ხაზის ნომერზე 247 00 40.

4.     ჩვენ შესაძლებლობა გვაქვს უზრუნველყოთ უკონტაქტო მოწოდება. თუ გაქვთ სურვილი, რომ ჩვენმა კურიერმა თქვენი შეკვეთა ოფისის კართან, ან დაცვასთან დაგიტოვოთ, გთხოვთ, დაგვიკავშირდით ჩვენი ცხელი ხაზის ნომერზე 247 00 40 და გვაცნობეთ ამის შესახებ. ჩვენი კურიერები მიჰყვებიან თქვენს ინსტრუქციას.

5.     და ბოლოს, იმისათვის რომ ჩვენ შევძლოთ შეუფერხებლად განვაგრძოთ საქმიანობა გთხოვთ, დროულად დაფაროთ დავალინება, ასეთის არსებობის შემთხვევაში.

 

გისურვებთ ჯანმრთელობას!