ოფისელის 10 წელი

ათწლეული გავიდა იმ დღიდან, როცა 2015 წლის ნოემბერში ოფისელის ონლაინ პლატფორმა გაეშვა. მაშინ ამ წამოწყებას ექსპერიმენტის სახე ჰქონდა და ვერც კი წარმოვიდგენდით, რომ ჩვენ შევძლებდით ათასობით კომპანიისთვის სანდო და სტაბილური პარტნიორობა გაგვეწია.

 

თუმცა, თავიდანვე ვიცოდით, რომ ის, რასაც ვქმნიდით, უნიკალური და ფასეული შეთავაზება იყო - პრინციპი „ყველაფერი ერთ ადგილას“, რომელსაც თან ახლავს მაღალი ხარისხის სერვისი და კლიენტთა ყოველდღიურ საჭიროებებზე მორგებული, მუდმივად განვითარებადი ონლაინ პლატფორმა.

 

განვლილი ათი წელი სავსეა გამოწვევებით, მონდომებით, შრომით, შეცდომებითა და სწავლით, და, რაც მთავარია, მუდმივი წინსვლით. მიღწეული შედეგები სრულად იმ ადამიანების დამსახურებაა, რომლებიც ქმნიან ამ კომპანიას და რომელთაც აირჩიეს არა უბრალოდ მუშაობა, არამედ შექმნა და მუდმივი, შეუჩერებელი განვითარება.

 

ოფისელის განვილილი 10 წლისთვის გვინდა უდიდესი მადლობა გადავუხადოთ:

 

გუნდს, რომელიც ჩვენი ყველაზე დიდი სიმდიდრეა

 

ოფისელის წარმატება შეუძლებელი იქნებოდა ჩვენი არაჩვეულებრივი გუნდის გარეშე. იმ ადამიანების გარეშე, რომლებიც ყოველდღე აკეთებენ ყველაფერს, რათა ჩვენმა კლიენტებმა საუკეთესო გამოცდილება მიიღონ. იმ ადამიანების გარეშე, რომლებიც არ უშინდებიან სირთულეებს, ყოველთვის მხარს უჭერენ ერთმანეთს და ახალ მიზნებს ისახავენ.

მადლობა ყველას, გუნდის თითოეულ წევრს, ვინც წლების განმავლობაში შექმნა პასუხისმგებლობაზე, ურთიერთპატივისცემასა და მუდმივი განვითარებაზე დაფუძნებული კულტურა.

 

კლიენტებს, რომლებიც ყოველდღე ჩვენ გვირჩევენ

 

ჩვენი მომხმარებლები არა მხოლოდ ჩვენ, არამედ ჩვენს ხედვას ენდობიან და იზიარებენ. ყოველ შეკვეთას, დღეში ერთს თუ ასს, ჩვენთვის ერთი და იგივე მნიშვნელობა აქვს - ეს არის ჩვენთვის მონიჭებული ნდობა, რასაც უსაზღვროდ ვაფასებთ.

 

თქვენ ხართ მიზეზი იმისა, რომ დღეს ათწლეულზე ვსაუბრობთ. და მიზეზი იმისა, რომ შემდეგ ათწლეულს კიდევ უფრო ამბიციური გეგმებით ვხვდებით.

 

პარტნიორებს, რომლებიც ზურგს გვიმაგრებენ

 

დიდი მადლობა თითოეულ კომპანიას და ადამიანს, ვინც ამ წლების მანძილზე ერთხელ მაინც იყო ჩვენი პარტნიორი. თანამშრომლობა ჩვენს პარტნიორებთან ყოველთვის იყო ჩვენი განვითარებისა და სტაბილურობის გარანტი, ის რასაც ასე ვუფრთხილდებით და ვაფასებთ.

 

რა გვასწავლა ამ ათმა წელმა?

 

რომ წარმატება სწრაფად არ მოდის.

 

რომ განვითარება მუდმივი პროცესია და არა ერთი ნაბიჯი.

 

რომ ადამიანები - გუნდი, კლიენტები და პარტნიორები - არიან ყველაზე მნიშვნელოვანი ღირებულება, რასაც კომპანია შეიძლება დაეყრდნოს.

 

ამ ათი წლისთვის მადლობა ყველას, ვინც ამ ისტორიაში მონაწილეობდა. წინ მომდევნო ათწლეულია, ახალი მიზნებით, მიღწევებითა და გამარჯვებებით.